Managkapuyo gipatay sa bana, samtang suspek gipatay usab

CEBU, Philippines — Naukay ang mga residente  sa Daanglungsod sa Dakbayan sa Toledo tungod sa linoog nga pagpatay pinaagi sa pagtigbas  usa ka babaye ug sa kapuyo niini sa bana sa babaye, apan ang suspek nga bana  gibawsan usab sa kaliwat sa kapuyo babaye ug siya napud ang napatay.

Ang nangamatay nga managkapuyo mao sila Nechelle Cañete ug si Joel Geramae Cabaluna ,43, usa ka construction worker nagpuyo sa nahisgutang lugar.

Samtang ang giingong nagpatay kanila mao si Iñigo Sibugan Jr. kinsa napatay usab sa maong panghitabo.

Base sa imbestigasyon sa kapulisan sa Toledo City Police Station, si Sibugan naghatod unta og pagkaon alang sa ilang anak sa gipuy-an niini sa asawang si Nechelle diha sa nahitaboang barangay.

Apan nagka-abot kini sa kapuyo ni Nechelle hinungdan sa nahitabong panaglalis ug nagkainitay og maayo. Sumala pa nga tunga-tunga sa panaglalis nakakuha og hait nga sundang si Sibugan  ug gitigbas ang iyang asawa ug kapuyo niini .

Tungod sa kagubot, nakabantay ang mga kaliwat ni Cabaluna  ug gitabangan si Sibugan hangtud nga nailogan kini sa dala nga sundang  ug gibalik kini og tigbas kaniya.

Nakaangkon og daghang samad tinigbasan ang tulo ug silang tanan daling gidala sa tambalanan apan namatay silang tanan.

Upat ka mga tawo nga sila si Helbert  Larino 23, Remegio  Cabaluna 50 , Beno Larino 21,  ug Jonel Cabaluna nga mga kaliwat ni Joel ang gidakop sa kapolisan tungod sa maong krimen. (/IBM)(BANATNEWS)