CEBU, Philippines – Nikabat ngadto sa 368 ka vendors diha sa Carbon Public Market, Dakbayan sa Sugbo ang apektado sa road rehabilitation project nga gipahigayon sa Department of Public Works and Highways (DPWH).
Nabalaka ang DPWH nga dili dayon nila masugdan ang rehabilitasyon diha sa dalan sa Quezon Avenue lakip na ang Escano St., F. Calderon St., Plaridel St., ug F. Gonzales St. tungod sa mga vendor diha sa maong mga dalan. Giingong ang mga vendor temporaryo kining ibalhin diha sa mga lugar nga nahuman na ang pagtrabaho.
Si Annabeth Cuizon, assistant city administrator nitug-an nga sa Warwick Barracks, Barangay Ermita gyud unta ipahimutang ang 368 ka vendors apan unahon sa siyudad og pahiluna ang mga biktima sa sunog niadtong tuig 2014 nga wala pa gihapon nahiluna.
Gikataho nga kasagaran sa mga vendor walay permit o walay kontrata sa siyudad hinungdan nga gipanghashasan sila karon aron mahibaw-an ang angayang mapahiluna diha sa Warwick Barracks.
Karong Oktubre 1 hangtud sa 5, 2018 gikatakdang ibalhin ang mga vendor sa temporaryo nilang pwesto. (/BDB)(BANAT NEWS)