CEBU, Philippines — Napalgan na lang nga patay na ang consultant sa Municipal Anti-Drug Abuse Council (MADAC) sa Lungsod sa San Remigio kagahapon.
Ang namatay mao si Bertel Aballe, 56, taga Barangay Hagnaya, kinsa mao sab ang port administrator ug enforcer sa solid waste ug smoking ban sumala pa sa Municipal Planning and Development Coordinator nga si Engr. Romarico Cabellon.
Matud sa hepe sa San Remigio Police Station, Chief Inspector William Homoc, nga nakit-an si Aballe duol sa pansayan sa iyang balay sa usa ka security guard nga naghigda nga wala nay kinabuhi.
Giingong may nakakita pa ni Aballe nga adunay kaestorya nga babaye pasado alas 10 sa gabii sa gawas sa iyang gipuy-an.
Ipaubos sa autopsy ang patay’ng lawas ni Aballe aron masuta ang hinungdan sa kamatayon niini. - /GMR (BANAT NEWS)