CEBU, Philippines – Naangol ang lima ka tawo nga sakay sa nagbangga nga pribadong sakyanan sa Sitio Tinibgan, Panalipan, Catmon ala una pasado sa hapon sa niaging adlaw.
Giila ni Police Officer 1 Mendel Orbelo sa Catmon Police Station ang mga naangol nga sila si Edgel Jubayan, 44, taga Lungsod sa Catmon; Raul Arma, 26, ug Manuel Rosas, 26, taga Lungsod sa Minglanilla.
Laing naangol mao sila si Rafael Molina, 23, taga Dalaguete ug Andrew Raganas, hingkod, taga Lahug, Dakbayan sa Sugbo. Matud ni Orbelo nga pulos kusog ang dagan sa Isuzu pick up nga gimaneho ni Jubayan ug ang Tamaraw FX nga gimaneho ni Raganas dihang kalit nagkabangga.
Ang mga biktima dali nga gihatud ngadto sa Bogo Provincial Hospital. (/GMR)(BANAT NEWS)