Sinas andam makigdiyalogo ug modawat sa manifesto
CEBU, Philippines – Ang regional director sa Police Regional Office (PRO)-7 Debold Sinas andam makigdiyalogo sa mga sakop sa Nagpakabanang Sugbuanon alang sa kinabuhi ug hustisya ilabi na sa tinguha sa maong grupo nga moduso kini og manifesto.
Matud ni Sinas nga andam siya modawat sa manifesto nga iduso sa maong grupo diin katungod usab nila nga mopagawas sa ilang sentimento ug andam usab siyang makigdiyalogo niini.
Si Sinas nagkanayon nga angay magpaminaway sila ug dili mopagawas dayon og mga baruganan aron mag-abot sila sa tunga-tunga ug makahimo sila og panaghiusa alang sa kalambuan.
Sa laing bahin, ang Oratio Imperata magpabilin gihapon nga ampuon sa tanang simbahan sa Archdiocese of Cebu matag human sa kalawat.
Kini ang gibutyag ni Archbishop Jose Palma sa Archdiocese of Cebu.
Matud ni Palma nga maayong magpabilin gihapon ang maong pag-ampo nga duyogan sa katawhan aron mabatonan ang kalinaw ug nagpahinumdum usab kini sa kabililhon sa kinabuhi.
Gihangop usab sa Arsobispo ang lakang karon sa kapolisan nga mohimo og mga pamaagi sa pagtabang sa mga kalihukan sa simbahan.
Dugang ni Palma nga bisan kinsa nga mohimo og mga pamaagi alang sa pagtabang sa mga kalihokan sa simbahan bukas ug mahinangpon sila niini. (/BDB)(BANAT NEWS)
- Latest
