CEBU, Philippines – Nagplano ang Kapitolyo nga mo-establisar og merkado alang sa mga mag-uuma sa Lalawigan sa Sugbo.
Matud ni Gobernador Hilario Davide III nga kini ang hangyo sa mga mag-uuma atol sa niaging Farmer's Day.
Kini ipahimutang sa usa sa mga luna nga gidonar sa Dakbayan sa Sugbo sa may North Reclamation Area diin iladlad ang mga abot sa kaumahan gikan sa kalungsuran.
Si Davide nagkanayon nga importante nga mahatagan og pagtagad ang mga mag-uuma sanglit sila gikonsiderar nga mga bayani. (/GMR)(BANAT NEWS)