CEBU, Philippines – Usa ka 7-anyos nga batang babaye giingong gilugos sa iyang silingan diha sa Sitio Manga Barangay Jugan, Lungsod sa Consolacion niadtong Martes sa gabii.
Ang suspetsado mao si Jumbolilit Cabayas, 29-anyos residente sa nahisgutang lugar.
Matud ni PO2 Jose Ahron sa Consolacion Police Station, nisumbong sa kapolisan ang inahan sa menor de edad nga ang iyang anak gilugos gamit ang kamot ni Cabayas samtang nag-inusarang natulog sa ilang balay ang bata.
Si Cabayas nasikop atol sa gipahigayong hot pursuit sa kapolisan diha sa Bagong Dan sa Lungsod sa Liloan. (/BDB)(BANAT NEWS)