CEBU, Philippines — Duha ka canyoneering guide ang gidakop sa kapolisan sa Badian atol sa buwag nga buy-bust operations didto sa Barangay Ginablan ug Matutinao, sakop sa lungsod sa Badian kaniadtong Biyernes sa hapon.
Ang mga dinakpan giila ni Badian Police Chief Bonifacio Pareja nga sila si Jejomar Divinagracia, 31, lumad nga taga Alegria ug James Peter Greeves, 30, taga Barangay Matutinao.
Nakuhaan ang mga suspetsado og 21 ka gagmay’ng pakete sa shabu nga mokantidad og P10,500. Si Pareja miingon nga dili mga accredited nga canyoneering guides ang mga dinakpan.
Matud pa nga magtagotago ang mga suspek aron sila makakontrata og kliyente nga mosuroy sa tourist attractions sa Badian. Sayo pa dunay mga tour guides nga napositibo sa drugas.
Apil nga gidakop sa mga polis mao si Gemma Sumampong, 51-anyos, inahan ni Japes Peter. Gipalitan nila ni Pareja og shabu ang duha ka tour guide human sila makadawat og report sa ilegal nilang kalihokan.
Giapil pagdakop ang inahan ni Greeves kay mibabag kini nga dakpon ang iyang anak. Pasakaan usab siya og kaso nga Obstruction of Justice. RUB (BANATNEWS)