CEBU, Philippines — Dili pa angay magmaya ang mga “adik” nga kawani sa Talisay City Hall kinsa nakalusot sa gihimong mandatory drug testing gumikan kay duna pay himoon sa umaabot.
Si Dr. Lino Alanzado, pangulo sa City Health Office, nagkanayon nga ang mga kawani nga mahibaw-an nga naggamit og ilegal nga drugas hayan tangtang gyud kini sa trabaho.
Sa labing uwahing drug test, niabot sa 77 ka job order nga kawani ang nigawas nga positibo.
Matud ni Alanzado nga nasubo siya sa gidaghanon sa mga “adik” nga kawani kay kining mga tawhana nanginahanglan og trabaho.
Asoy pa niya nga dili mokompiyansa ang mga regular nga kawani kay moabot ra sab kini kanila. (BANAT NEWS)