Mga mabdos atimanon sa Kapitolyo

CEBU, Philippines — Niluwat og executive order si Gobernador Hilario Davide III sa pag-umol og Provincial Maternal and Neonatal Mortality Review Team.

Kini aron maoy mo-develop og maternal ug neonatal mortality database ug pagpahigayon og review sa maternal death reports lakip na usab sa pagpahigayon og maternal ug neonatal death surveillance ug pagpangita og kasulbaran sa kamatayon sa mga mabdos ug kadtong nanganak nga inahan.

“There is a need to create a maternal and neonatal death review team which shall be the monitoring body of the Province to conduct maternal and neonatal death surveillance and response to the healthcare challenges in the Province specifically in maternal deaths,” matud sa EO sa gobernador nga gipetsahan og Hunyo 14, 2018.

Ang team langkuban sa mga doktor sa Probinsiya sa Sugbo nga pangulohan ni Davide isip chairman ug ang vice chairman mao si Dr. Rene Catan, hepe sa Provincial Health Office. (BANAT NEWS)