CEBU, Philippines – Nakaplagan ang pipila ka gamit sa pangmina sa Barangay Sungko, Bantayan niadtong Biyernes sa buntag.
Si PO3 Samuel Agipo sa Bantayan Police Station niingon nga nakadawat sila og taho sa illegal mining activity sa kabukiran sa Sitio Tagasa sa maong barangay.
Nakuha sa mga nirespondeng kapolisan ang usa ka 10,000 watts nga silent generator, usa ka unit sa submersible water pump, siyam kabuok water pipes, usa ka pala ug usa ka steel bar.
Nakita sab sa kapolisan ang kinawtan samtang wala pa maila ang tag-iya sa maong mga butang. (/GMR)(BANAT NEWS)