CEBU, Philippines – Mokabat sa P30 mil ang gibana-banang danyos sa sunog nga niulbo kagahapon sa buntag sa may Magsaysay Street, Pasil, Dakbayan sa Sugbo.
Nadawat sa kabomberohan ang alarma alas 7:43 sa buntag ug nakontrolar alas 7:57 diin giisa sa second alarm ug hingpit nga na-fire out alas 8:27 sa buntag.
Matud ni Chief Inspector Noel Nelson Ababon, fire marshall sa Dakbayan sa Sugbo, nga ang sunog nagsugod sa panimalay ni Jennifer Mosqueda ug gituohang electrical misuse ang hinungdan.
Dugang pa ni Ababon nga upat ka panimalay ang hingpit nga naugdaw. (/GMR)(BANAT NEWS)