CEBU, Philippines – Sikop ang hubog nga lalaki human kini nag-amok sa Barangay Panugnawan, Medellin niadtong Huwebes sa gabii ug nakuhaan usab og lima ka pakete sa gituohang shabu.
Si SPO1 Orlando Batusin niila sa suspek nga si Baltazar Mercader Pepito, 51-anyos, ug molupyo sa maong lugar.
Nakadawat og tawag ang ilang estasyon gikan sa usa ka residente nga nagpahibawo nga ang suspek nag-amok hinungdan nga daling niresponde ang kapolisan nga gipangulohan sa hepe nga si Senior Insp. Narciso Abapo sa lugar diin kini nahitabo.
Naabtan sa kapolisan ang suspek nga hubog ug nagpakita og bayolenteng pamuot.
Dihang kini gidakop sa kapolisan, nakuhaan kini og lima ka pakete sa gituohang shabu. (/GMR)(BANAT NEWS)