CEBU, Philippines – Kanhi mayor Mike Rama mibutyag nga molansar siya pagbalik sa pagkamayor sa eleksyon sa sunod tuig.
Si Rama miingon nga aduna na silay lineup apan ilaha pa kining sabotan og balik sa meeting sa ilang partidong BARUG-Team Rama.
“I have won before and I was cheated and I will win again,” pamahayag pa niini human siya gipangutana kung masaligon ba siya nga modaog sa umaabot nga eleksyon.
Nalipay gani si Rama sa bag-ong gawas nga Social Weather Station (SWS) survey nga mas mosalig kaniya ang mga botante sa Cebu City North ug South Districts kaysa ni Sec. Michael Dino.
Si Rama miingon nga grabe siya ka malipayon sa nigawas nga resulta.
“I am very appreciative to how they’ve seen my consistency. What I will do is that I will continue to be who I am, who I was, and who I will be and then doing what is best and that is touching hearts,” si Rama miingon.
Dugang pa niya nga padayunon niya ang adbokasiya sa BARUG Team Rama nga pinaagi sa pagtinabangay daghang mahimo ang katawhan.
Nabantayan nga wala niya giapil paglitok sa partido ang PDP-Laban nga diin sagad sa iyang mga kauban nasakop.
Samtang giampo ni Rama ang maayong panglawas ni Mayor Tomas Osmeña nga sigurong iyahang makaatbang. (Katrina Aguirre /IBM)(BANAT NEWS)