Honorarium sa eleksyon gipanghatag na

CEBU, Philippines – Sugod kagahapon nakadawat na sa ilang honorarium ang mga magtutudlo sa Dakbayan sa Mandaue nga niserbisyo sa niaging eleksyon.

Pinaagi sa cash card ang paghatag sa honorarium gikan sa buhatan sa Commission on Elections.

Kapin usa ka libo ka magtutudlo ang niserbisyo ang naglangkub sa electoral board sa matag presinto isip chairman, poll clerk ug usa ka miyembro.

Sila makadawat og P7,000 sa chairman, P6,000 sa poll clerk ug miyembro, P3,000 sa support staff ug P5,000 sa supervising principal sa tunghaan. (/GMR)(BANAT NEWS)