Pito ka barangay nagtabla ang mga kapitan
CEBU, Philippines – Pito ka kandidato sa pagka barangay kapitan gikan sa lima ka nagkalain-laing lungsod sa probinsya ang nagtabla sa ilang mga kontra sumala pa sa Provincial Comelec.
Matud ni Atty. Lionel Marco R. Castillano adunay barangay nga nagtabla sa lungsod sa Alcantara, Catmon ug Tabogon samtang tag duha ka barangay usab ang nagtabla sa lungsod sa San Fernando ug Malabuyoc.
Sigon ni Castillano tungod kay nagtabla man, husayon kini pinaagi sa ‘toss coin’ o cara y cruz ug ang mananaog maoy madeklarar nga kapitan.
Sumala pa ni Castillano sa pagsuwat niining balita, sa 1,203 ka barangay sa siyudad ug sa probinsya dinhi sa Sugbo napulo na lamang ka barangay ang wala pa nahuman lakip na ang mga barangay nga nagtabla.
Nagpasalamat si Castillano sa mga polis ug sa mga magtutudlo nga miserbisyo sa eleksyon. Giawhag ni Castillano ang mga nakadaog nga panangtangon na ang ilang mga gipangsab-it ug gipamilit nga campaign materials. (CNU Intern/IBM)(BANAT NEWS)
- Latest
