CEBU, Philippines — Tulo ka gipasanginlang drug pushers ang nasikop kagahapon sa buy-bust operation sa kapolisan sa Tabok Looc sa dakbayan sa Danao.
Giila ang mga nadakpan mao sila si Jovelyn Suson, 30, taga Taytay, Aldwin Manulat, 35, ug Richard Rosalijos, 24.
Nakuha gikan kanila ang walo ka gagmay nga pakete nga gituohang shabu, P300 nga gituohang halin ug ang buy-bust money sa kapolisan.
Ang mga suspek gipaubos sa drug test ug gikatakdang pasakaan og kasong paglapas sa Republic Act 9165. -/IBM (BANAT NEWS)