Bangga sa duha ka motor duha patay

CEBU, Philippines — Duha ang patay sa disgrasya sa kadalanan sa may barangay Apalan, Tuburan human nagbangga ang duha ka motorsiklo niadtong Huwebes sa hapon.

Ang nakalas naila nga sila si Noel Taghoy, taga barangay Mangga sa maong lungsod ug Walter Fredeliz, 24, lumad nga taga  General Santos City.

Matud pa ni Police Officcer 1 Israel Cometa, Desk Officer sa Tuburan Police Station padulong sa Tabuelan si Fredeliz samtang padulong sa Poblacion Tuburan si Taghoy.

Pag-abot sa nahitaboan kalit ni-overtake si Fredeliz hinungdan sa pagkabangga niini sa gimaneho usab nga motor ni Taghoy hinungdan sa ilang pagkalamba ug patay na pag-abot sa Tuburan District Hospital. (/IBM)(BANATNEWS)