Nabulit og samad dinunggaban

CEBU, Philippines — Usa ka laki ang napalgang patay nga adunay daghang samad dinunggaban sa nawong ug lawas niini luyo sa ilang panimalay didto sa Sitio Campagong, Barangay Poblacion, Badian niadtong Biyernes sa buntag.

Si Alejandro Licanda, 53,  lumad nga taga Sitio Campagong napalgang patay sa iyang igsuon nga si Wenefredo Licanda.

Ang biktima adunay mga dinunggaban sa nawong ug sa ubang parte sa lawas niini.  Matud pa sa iyang igsuon adunay nakasulti kanila nga adunay nakalalis ang biktima niadtong Huwebes sa gabii.

Gisusi pa sa mga kapolisan ang posibleng motibo sa pagpatay sa maong biktima. (CNU Intern/IBM)(BANATNEWS)