DOLE-7 may bag-ong director

CEBU, Philippines - Bag-o na ang director sa Department of Labor and Employment-7 human gihulipan si Director Cyril Ticao ni Atty. Alvin Villamor.

Si Ticao gibalhin isip director sa DOLE VIII samtang si Villamor gikan sa DOLE IV-B o MIMAROPA.

Si Villamor nangandoy nga ang rehiyon magkahiusa sa pagtinabangay samtang ang mga lider ug kawani maningkamot sa pagkat-on sa mga buluhaton matag usa. “Despite differences among each one, I’m hoping that the organization as a whole would be able to employ correct intuition, insights, and wisdom in handling and hurdling various difficulties,” dugang pa niya.

Bag-o sab ang assistant regional director nga si Atty. Roy Buenafe kinsa gikan sa DOLE VIII.

Nitambong atol sa turn over ceremony   niadtong Martes ang mga pangulo sa DOLE-Regional Coordinating Committee (DOLE-RRC-7) nga sila si Director Evelia Durato sa Philippine Overseas Employment Administration (POEA); Presiding Commissioner Violeta Bantug sa National Labor Relations Commission (NLRC-7th Division); Ingrid Yumang sa Employees Compensation Commission (ECC REU-7); Dexter Paro sa National Reintegration Center for OFWs (NRCO-7); Gina Emperado sa Professional Regulation Commission (PRC-7); ug  Gines Timosa sa Occupational Safety and Health Center (OSHC-REU 7). (Mary Mel V. Coma ug Rejena M. Sevilla, PIT Interns/GMR)

Public library sa siyudad 99 ka tuig na

Saulugon karong adlawa ang ika-99 ka tuig sa Cebu City Public Library.

Matud ni Maria Rosario Chua, librarian sa Cebu City Public Library, nga daghang kalihukan nga ilang pasiugdahan sama sa water color painting alang sa mga magtutudlo, storytelling alang sa mga bata ug star gazing alang sa tanan.

Tulo ka dagkong teleskopyo ang ipagamit nga libre sa buot makakita og mga bitoon ug planeta kung maayo ang panahon.

Bisan sa kadaghan sa kalihukan, padayon gihapon ang 24/7 nga operasyon sa library.

Sigun pa ni Chua daghan gihapon ang ilang mga kliyente bisan og bakasyon na. (Bernardette A. Itang, PIT Interns/GMR)(BANAT NEWS)