CEBU, Philippines — Kadaghanan sa mga business establishment ug resort nga nag-operate sa coastal area sa Panglao, probinsiya sa Bohol ug Mactan ang wala’y foreshore lease agreement.
Kini ang gitug-an ni Gilbert Gonzales, regional director sa Department of Environment and Natural Resources (DENR).
Matud ni Gonzales kadaghanan sa mga business establishment ug resort sa Panglao ug Mactan nga nag-operate sa coastal area wala’y foreshore lease agreement diin rekisitos kini aron ang usa ka patigayon maka-operate o makagamit sa lugar nga gitawag og timberland o wetland.
Dugang ni Gonzales nagtiwas pa sila karon sa gipahigayon nga inventory diin humana sila sa Panglao ug gisunod nila pagsusi ang mga resort sa Mactan.
Sa pagkakaron gipadad-an sa DENR-7 og notices ang mga nakalapas alang sa technical conference nga ipahigayon ug isunod dayon ang pagguba sa mga estraktura nga gitukod diha sa easement zone aron makahimo dayon ang mga magpapatigayon pag-comply sa rekisitos sa foreshore agreement requirement. (BDB) (BANAT NEWS)