CEBU, Philippines — Nalandig sa tambalanan ang 40-anyos nga Koreano human gidunggab sa duha ka lalaki sulod sa kwarto sa panimalay niini sa Beverly Hills, Lahug, Dakbayan sa Sugbo niadtong Domingo sa gabii. Ang biktima mao si Jang Sun Hwan samtang ang mga responsable sa krimen wala mailhi.
Matud ni Senior Police Officer 3 Antonio Din, imbestigador sa Homicide Section sa Cebu City Police Office, nga nakaangkon og daghang samad si Sun Hwan.
Base sa inisyal nga imbestigasyon nga dili manira ang Koreano sa iyang kwarto hinungdan nga nasudlan kini sa mga lalaki kinsa gituohan nga mga tulisan sanglit gidala ang hand bag niini nga adunay sulod duha ka cellphones, pitaka ug wala matino nga kantidad sa kwarta. (BANAT NEWS)