CEBU, Philippines - Numero unong most wanted person sa Dinagat Province nadakpan niadtong Biyernes sa Lungsod sa Santa Fe sa isla sa Bantayan human ang pito ka tuig nga pagtago-tago.
Niadto pang tuig 2010 gipangita sa kapolisan si Pacifico Gelbuena, 34-anyos gumikan sa kasong parricide human siya nahimong kakunsabo sa pagpatay sa mag-inahan didto sa Brgy. Geotina, Basilisa, Dinagat Island.
Dihang nahibaw-an nga sa maong isla nagtago-tago si Gelbuena, milusad dayon og operasyon ang mga sakop sa Bogo City SWAT, Regional Public Safety Batallion, Santa Fe Police uban sa Dinagat Island Provincial Police.
Gibalhog una sa Bogo City Police detention cell ang dinakpan una pa dad-on sa Dinagat. - /DILT) (BANAT NEWS)