CEBU, Philippines - Pinaketeng shabu ug cellphones, giturn-over sa mga priso sa Cebu Provincial Detention and Rehabilitation Center (CPDRC) kagabii.
Miabot sa napulo ka pakete sa gituohang shabu ug tulo ka cellphones ang giturn-over sa mga priso samtang anaa sa sulod ang imahe ni Señor Santo Niño nga temporaryong gidala sa prisohan subay sa selebrasyon sa Kaplag.
Matud ni CPDRC OIC Bobby Legaspi nga ilang gisultian ang mga inmate nga iturn-over ang mga kontrabando ug baylo niini mao nga dili sila pasakaan og kaso.
Samtang miangkon si Legaspi nga dili epektibo ang pagbutang nila og jammers sa CPDRC kay dili tanan ang ma-cover sa unang duha nga ilang gibutang.
Dugang niya nga magdugang sila og bag-ong jammers apan sa pagkakaron mokuha sila og eksperto aron mobisita sa provincial jail pagsuta kun pila ka jammers ang gikinahanglan aron ma-cover ang tibuok facility. (BANAT NEWS)