CEBU, Philippines - Moabot sa lima ka libo ka personnel gikan sa Police Regional Office-7, Bureau of Fire Protection-7 ug uban pang emergency responders, ang ipakatap sa ipahigayong ASEAN Summit sunod semana.
Si PRO-7 Director, PCSupt. Noli Taliño miingon nga nagpakatap na sila og mga polis sa Mactan–Cebu International Airport alang sa pasiunang pagbantay. Apan ang full deployment, himoon karong Domingo human sa send-off ceremony ugma. Anaa sa tulo ka libo ka polis gikan sa PRO-7 ug kanselado na sab ang tanan nilang leave. Gipaubos sab sa full alert status ang kapolisan sa rehiyon.
Gipahibawo sab ni Taliño nga wala pa’y sigurado nga madayon ang pagpalong sa signal atol sa maong kalihukan. Wala pa sab sila’y nadawat nga direktang hulga ug kun anaa man, andam na sab sila niini. (BANAT NEWS)