CEBU, Philippines - Padayong gi-monitor sa kagamhanan sa Lungsod sa Cordova ang cyber pornography matud ni Mayor Mary Theresa Sitoy-Cho.
Kini human sila nakadawat og report nga cellphone na karon ang gigamit sa maong kalihukan.
Matud ni Cho nga aduna silay gi-monitor karon nga duha ka tawo ug nakig-alayon sila sa mga non-government organizations ug sa mga langyaw nila nga counterpart.
Dugang ni Cho nga sayud siya nga dili lang sa ilang lungsod ang naglisud karon human nga cellphone na ang gigamit sa mga nalambigit sa cyber pornography apil na usab ang lain nga lugar.
Sumala pa ni Cho nga gawas sa gi-monitor nila nga cyber pornography dili na usab siya mopirma sa mga magpapatigayon nga mobukas og internet cafe kung dili siya makakita kung unsa nga software ang ilang gigamit.
Gibutyag ni Cho nga bisan sa mga kalambuan nga naangkon sa lungsod dili gihapon sila mohunong sa mga tawo nga nalambigit sa cyber pornography. - /GMR) (BANAT NEWS)