CEBU, Philippines - Gitug-an sa pangulo sa Fisheries Sea Ecological Care (FISECA) sa Dakbayan sa Talisay nga iyang gipundok ang mga ilegal nga managat.
Kini aron hangyuon ug pasabton nga dili na mohimo sa ilegal nga panagat alang sa kaugmaon sa ilang kabataan.
Si Greg dela Torre, pangu sa FISECA, nibutyag nga tungod sa kakuwang sa ilang pumpboat sa paggukod sa mga ilegalista, ila na lang kining gihangyo sanglit ila ra man nailhan.
Gipadayag ni dela Torre nga kuwang gyud ang ilang tawo aron mopitol sa mga ilegalista samtang ang pumpboat nga ilang gihangyo ang wala pa naabot sa ilang buhatan.
Apan si dela Torre niingon nga adunay pipila nga nakasabot sa ilang hangyo apan daghan gihapon ang wala motuo hinungdan nga daghan gihapong mga illegal fishers sa siyudad ang nagpahimulos sa higayon. (BANAT NEWS)