CEBU, Philippines - Gipahigayon ang initial launching sa Cebu City Health Department alang sa libreng bakuna sa cervical cancer alang sa mga empleyadong babaye sa Cebu City Hall kagahapon.
Miabot sa 280 ka female employees ang nakapahimulos sa libreng bakuna diin matud ni Cebu City Medical Center Administrator Kenneth Siasar nga nagpreparar sila og usa ka libong bakuna kay ang ilang target, usa ka libo nga empleyadong babaye nga nagpangidaron og 18-45 anyos.
Dugang ni Siasar nga magpahigayon sila og information dissemination alang sa katawhan bahin sa cervical cancer kay base sa statistics, nagkataas ang kaso sa maong sakit.
Mao nga awhag niini nga kinahanglang magpabakuna aron makalikay sa cancer ug ang immunization maoy moprotektar aron dili makuha ang maong sakit.
Sa mga empleyadong wala pa makapabakuna, mahimo silang muadto sa city health karong umaabot Marso 24, alang sa ikaduhang hugna. Jovie Zyra Toling (BANAT NEWS)