CEBU, Philippines - Gipasar sa unang pagbasa sa hunta probinsiyal niadtong Lunes ang ordinansahon alang sa P3.6 bilyones nga annual budget sa general fund alang sa tuig 2017.
Ang general fund gilangkuban sa Development Fund ug Disaster Risk Reduction and Management Fund nga kapin sa P3.1 milyones, operation sa mga hospital nga P472.3 milyones ug operation sa Cebu South Bus Terminal nga kapin sa P43.6 milyones.
Sa maong ordinansahon ang gobernador gihatagan og authority sa pag-isyu og guidelines subay sa balaod sa DBM sa pag-implementar sa kinatibuk-an sa second tranche salary adjustment, mid-year bonus nga equivalent sa usa ka buwan nga basic salary ug Productivity Enhancement Incentive nga P5 mil ubos sa Other Bonuses and Allowances and appropriation item.
Ang year-end bonus equivalent usab sa usa ka buwan nga basic salary, cash gift nga P5 mil ngadto sa matag kawani nga kwalipikado subay sa E.O No. 201 sa presidente sa nasud.
Aprubado sab sa konseho sa dakbayan sa Talisay ang gipangayong budget ni Mayor Eduardo Gullas alang sa sunod tuig nga mokantidad og kapin sa P887 milyones. (BANAT NEWS)