CEBU, Philippines – Dili tungod sa budget ang hinungdan sa wala pagsalmot sa Dakbayan sa Talisay sa Sinulog sa Kabataan sa Lalawigan karong tuiga isip defending champion.
Si Bise Mayor Romeo Villarante nagtuo nga dili prayoridad ni Mayor Johnny de los Reyes ang kalihukan ilabi na nga dili kini Katoliko.
Matud ni Villarante nga ka lima sila nagpasar og supplemental budget apan wala’y gilakip alang sa Sinulog. Si Konsehal Richard Francis "Choy" Aznar sa iya’ng bahin nipadayag nga ka daghan nahitabo nga nauwahi pag-aprobar sa budget apan nakaapil gihapon ang dakbayan sa Sinulog.
Nagkanayon si Konsehal Edward Alesna, chairman sa committee on budget and appropriation nga maayo gyud unta nga niapil ang Talisay sa Sinulog.
Si Konsehal Danny Caballero ug Antonio "Jojo" Bacaltos nisaysay nga nasagmuyo ang mga Talisaynon sanglit matawag man usab nga pagyukbo sa Balaang Bata ug pasalamat ang pagsalmot.
Sayo niini si delos Reyes niingon nga busy sa Central Visayas Regional Athletic Association (CVIRAA) Meet ang Department of Education apan gihimakak kini ni Talisay City Schools Division Superintendent Lea Noveras. – /GMR) (BANAT NEWS)