CEBU, Philippines – Gipaabot karon sa mga kabus nga molupyo sa Dakbayan sa Mandaue ang pag-angkon og panimalay nga kapuy-an human sa gipadayag nga tinguha sa usa ka negosyante nga Hapon nga pagpatukod og 250 ka mga balay.
Si Jeffrey Tanimoto nga mao’y pangulo sa Japan Housing Association una’ng nipakita sa iya’ng pagkamatinabangon pinaagi sa pagpanghatag og mga giputos nga pinaskuhan sa 35 ka kabus nga kabataan niadto’ng niagi’ng adlaw.
Gipasabot ni Tanimoto nga iya’ng tinguha ang pagtukod sa mao’ng gidaghanon sa mga housing units tungod sa plano nga pag-umol sa usa ka komunidad sa dakbayan nga iya’ng kahatagan og hinabang.
Dugang pa ni Tanimoto nga buot lang niya nga ipaambit sa katawhan sa tibuok kalibutan ang naangkon niya’ng grasya gikan sa Labaw nga Makagagahum sanglit nag-agi usab siya sa kalisud human namatay ang iya’ng mga ginikanan nga batan-on pa siya ug nahimo’ng libud-suroy. – /GMR) (BANAT NEWS)