CEBU, Philippines - Giangkon sa polis sa Lungsod sa Minglanilla nga hubog siya diha’ng iya’ng nationan og armas ug gipasalbahan ang iya’ng silingan sa Barangay Cadulawan.
Kini diha’ng si PO3 Louie Alalim kinsa nadestino sa Regional Headquarters Support Group sa Camp Sergio Osmeña Sr. nangayo og pasaylo sa iyang nahimo ngadto ni Lyndon Caparida.
“Aw mao ra gyud na ako’ng mahimo ang pagpangayo og pasaylo,” matud ni Alalim sa Minglanilla Police Station atol sa pagpaubos kaniya sa paraffin test.
Iya’ng giangkon ang pasangil ug nitug-an nga bunga kadto sa iya’ng kahubog human sila nag-away sa iya’ng asawa.
Matud ni Alalim nga nagka-estorya na sab sila sa reklamante ug na-settle na nila ang kaso.
Hinuon andam gihapon niya atubangon ang ipahamtang nga imbestigasyon sa ila’ng buhatan. Si Alalim gipasanginlan nga hubog ug nanion og armas, nagpabuto ug nibunal sa windshield sa multicab ni Caparida dayon nisibat. (BANAT NEWS)