2 minors nangawat og ceiling fan

CEBU, Philippines -Nasikop ang duha ka menor de edad nga pulos lalaki human gituohang nangawat sa usa ka tindahan sa Barangay Poblacion, Dakbayan sa Toledo. Ang duha nagpangedaron og 16-anyos kinsa matud pa nasakpan nga nangawat og duha ka ceiling fans. Una niini nabantayan sa trabahante sa tindahan nga si Arnold Salingay ang duha nga nisulod ug niduol sa baligya nga ceiling fan.

Nabantayan na lang ang duha nga nikuha sa duha ka ceiling fans apan wala kini mobayad. Diha’ng dayon na gawas sa duha ka menor de edad, gisita kini  ug gipahunong ug nasakmit gikan niini ang duha ka ceiling fans nga balor og tag P255 ang usa.

Gidala sa Toledo City Police Station ang duha ug gi-turn over ngadto sa City Social Welfare and Services Office. Gibuhian ra usab ang duha ka bata sanglit mga menor de edad kini ug wala’y plano nga mopasaka og reklamo ang tag-iya sa tindahan. (Raymond D. Abarcas/GMR)(BANAT NEWS)