CEBU, Philippines - Patay ang usa ka welder human giingong gimartilyo samtang nahinanok og katulog sa sulod sa iyang bunk house sa Barangay Jugan, Lungsod sa Consolacion sa miaging kaadlawon.
Si Police Officer 1 Ritchie Guileran sa Consolacion Police Station miila sa biktima nga mao si Celestino Taberos, 47, samtang ang suspetsado mao si Bienvenido Pahumotang Abella, 3, taga Dakbayan sa Toledo ug bayaw sa agawon sa namatay.
Matud pa ni Guileran gihapak sa suspek og martilyo sa makadaghang higayon ang ulo niini nga nakaingon sa hinanali niining kamatayon.
Apan dihang nadakpan na ang suspek ug gipangutana, daw wala kini sa iyang kaugalingon ug ilang nahibaw-an gikan sa mga kabanay nga nagumon na kini sa paggamit sa ilegal nga drugas.
“Ang pagpunay lang gyod og gamit sa ilegal drugas ang hinungdan nga gimartelyo sa suspek ang trabahante sa iyang bayaw,” ni Guileran pa nga nahinabi sa Banat News.
Ang suspetsado gikatahong gisud na kaniadto sa mental hospital ug dili pa kini dugay nga nakagawas. (BANAT NEWS)