Nagtrabaho sa illegal swertres gipatay

CEBU, Philippines - Gituohang gilugos una ang 22-anyos nga babaye dayon gipatay sa Barangay Lanas, Naga City.

Nakit-an ang patay nga lawas ni Josephine Canabano kagahapon sa buntag ug nakaangkon og bun-og sa ulo agi sa pagbunal sa gahi nga butang.

Sigun pa ni Victoria Lasponia, 49-anyos, nga samtang siya nag-atiman sa iya’ng binuhi’ng hayop, iya’ng nakit-an ang mga butang ug pitaka nga nagkatag.

Siya nakurat sa nakit-an nga patay’ng lawas sa biktima.

Asoy pa niya nga nahubo ang karsones sa biktima hinungdan sa ila’ng pagduda nga kini gipahimuslan sa wala pa gipatay.

Si PO3 Gilmer Noval, imbestigador sa Naga City Police Station, niingon nga katapusan nakit-an ang biktima uban sa usa ka lalaki nga nailhan nga iya’ng uyab sakay sa motorsiklo.

Ang biktima nagtrabaho kaniadto sa illegal nga swertres nga booth sa Barangay Camp 4, Dakbayan sa Talisay apan niundang sa rason nga niaslum ang iya’ng relasyon sa operator sa mao’ng ilegal nga kalihukan.

Nagtuo ang kabanay sa biktima nga may kalabutan ang trabaho sa biktima sa iya’ng kamatayon.

Sigun pa ni Felicisima, inahan sa biktima, nga ni-resigned ang iya’ng anak niadto’ng Sabado sa iya’ng trabaho. Lakip sa gikonsiderar sa kapolisan ang pamahayg sa mga kabanay sa namatay sa ila gihimo’ng imbestigasyon. - /GMR (BANAT NEWS)