Balaud batok minors wa matarung pagpatuman
CEBU, Philippines - Wala matarung pagpatuman ang balaud batok sa mga makasala nga mga minor de edad.
Kini sumala pa ni kanhi senador Francisco “Kiko” Pangilinan, ang amahan sa Republic Act No. 9344 kon “The Juvenile Justice and Welfare Act of 2006.”
Giklaro ni Pangilinan nga na-amendar na ang mao’ng balaud pinaagi sa Republic Act No. 10630.
Matud ni Pangilinan nga gibutang ug giklaro sa Juvenile Justice Welfare Council nga dili mahimo mabuhian ang mga bata nga nakahimo og salaod sama sa rape, homicide, murder ug drugs, ug kini sila ipaubos sa buhatan sa Department of Social Welfare and Development.
Sumala pa ni Pangilinan nga gihimo na nila ang mga angayan buhaton ug klaro usab kaayo kung unsa ang nalatid sa balaud.
Giawhag ni Pangilinan ang kapolisan nga mas maayo gukuron niini ang mga sindikato nga naggamit sa mga bata ug dili kay ang mga bata lang ang seguruhon aron dili sila masaypan nga nakiglambigit sa mga sindikato.
Giklaro ni Pangilinan ang execution ug implementation sa balaud ra gyud ang problema niini tungod kay siya nagtuo nga maayo ang balaud kung kini mapatuman sa sakto. (BANAT NEWS)
- Latest
