CEBU, Philippines - Masugdan na ang pagbutang sa lapad nga sidewalk sa Salinas Drive, dakbayan sa Sugbo human gisugdan ang ceremonial breaking sa koral sa Technical Education and Skills Development Authority-7.
Matud ni Mayor Michael Rama nga buot niya nga ibalik ang angay sa katawhan sama sa sidewalk ug ang kaluwasan sa katawhan nga mangagi sa mao’ng dapit.
Kini aron paghatag sa kalimpyo ug kaluwasan sa katawhan kun diin butangan og sidewalk ang Salinas Drive.
Pundo sa proyeko gikan sa Department of Public Works and Highways (DPWH).
Gimandoan usab ni Rama ang Cebu City Transportation Office (CCTO) sa pagbutang og iron railings sa sidewalk.
Gipasalig usab sa mayor nga dili hilabtan ang mga punoan sa kahoy nga nahimutang sulod sa compound sa TESDA-7 nga maapektuhan sa proyekto. (BANAT NEWS)