CEBU, Philippines - Usa ka gwardiya ang patay human gidunggab sa wala mailhing tawo duol sa usa ka videoke bar sa Mactan Economic Processing Zone –Gate 4 sa barangay Ibo dakbayan sa Lapu-Lapu City sa miaging alas 11:20 sa Huwebes sa gabii. Ang biktima mao si Rogelio Caba, 34, gwardya sa Centaur Agency nga nakadestino sa cargo area sa Philippine Airlines ug residente sa sitio Commonwealth sa maong barangay.
Nagkanayon si Police Officer 3 Luisito Ernie, imbestigador sa Lapu-Lapu City Police Office- Homicide Section gikan nakig-inom sa duha ka higala nga sila si Joey Brane ug Alvin Maano ang biktima.
Matud pa adunay nahitabong panaglalis sa maong videoke bar ug sa dihang padulong kini mopauli dunay midunggab kaniya.
Daling gidala ang biktima sa Mactan Doctor’s Hospital apan gideklarar kining dead-on-arrival samtang ang suspetsado nakaikyas human sa gibuhat nga krimen. (Christell Fatima Tudtud/EIM)(BANAT NEWS)