CEBU, Philippines – Dugang kapolisan ang ipakatap sa pagbantay sa mga delegado sa Asia-Pacific Economic Cooperative (APEC) Summit sa Shangri-la's Mactan Resort and Spa sa dakbayan sa Lapu-Lapu.
Si Police Senior Superintendent Armando Radoc, officer-in-charge sa Lapu-Lapu City Police Office, nibutyag nga adunay dugang mga polis nga ipakatap sa lugar.
Matud ni Radoc nga wala pa sila kahibawo kung pila ang ipadala sa Police Regional Office-7 samtang 500 ang gikinahanglan alang sa road security ug sa pagbantay sa mga hotels.
Alang sa hapsay nga dagan sa mga APEC vans, gitataw ni Radoc nga adunay koordinasyon ang kapolisan ug mga sakop sa City Traffic Management Systems (CTMS) nga gipangulohan ni Frank Brazil. – /GMR) (BANAT NEWS)