Sugbo nangandam sa mga investors
CEBU, Philippines - Gilauman nga daghang investors ang mobubo og puhunan sa Sugbo human sa pag-host sa Asia-Pacific Economic Cooperation (APEC) Summit. Gihulagway ni Gobernador Hilario Davide III nga maayo ang resulta sa kalihukan sugod niadto’ng Agosto 22 ug wala’y dili maayo’ng panghitabo.
Nunot niini, tinguha karon ni Davide nga madugangan ang economic zones alang sa umaabot nga investors.
Samtang 20 ka delegado sa APEC Summit ang nibisita kang Mandaue City Mayor Jonas Cortes sa niagi’ng adlaw.
Si City Administrator James Abadia ang nipasabot sa mga programa sa kagamhanan sa dakbayan nga gihaum sa panginahanglan sa mga kabus.
Si Pengcheng Li sa nasud sa China nipadayag og mga pagdayeg sa mga programa nga gipatuman tumong sa pagpanalipod sa kalikupan.
Gisugyot ni Li ang pagpangayo pa og dugang tambag gikan sa mga eksperto ilabi na sa pagpakunhod sa carbon emissions. (BANAT NEWS)
- Latest
