CEBU, Philippines – Aprobado na sa konseho sa dakbayan sa Toledo ang katukuran sa 60 megawatts nga labing una nga solar power plant sa barangay Talavera.
Kini human sa gihimo’ng pagtuon sa committee on laws sa konseho nga gipangulohan ni Konsehal Ricardo “Kuya Nick” Pepito.
Gihangop ni barangay Talavera Kapitan Nestor Mahinog ang proyekto alang sa kalambuan sa ila’ng barangay.
Ang planta iya sa Sun Asia Energy.
Gilauman nga makahatag kini og dugang oportunidad sa trabaho alang sa mga residente sa barangay Talavera ug sa siyudad.
Daku’ng tabang alang sa panginahanglanon sa elektrisidad ang mao’ng solar plant sa tibuok rehiyon sa Visayas. – /GMR) (BANAT NEWS)