CEBU, Philippines – Gihugupan sa nanambong ang ika-46 nga Charter Day Aniversary sa dakbayan sa Mandaue kagahapon nga gilangkuban sa mga kawani sa kagamhanan ug mga opisyal sa barangay.
Si Mayor Jonas Cortes ang nangulo sa kalihukan uban ni Bise Mayor Glenn Bercede, mga konsehal sa dakbayan, mga tinun-an ug mga magtutudlo sa mga pangpubliko’ng tunghaan.
Nagsugod ang kasaulogan sa usa ka Santos nga Misa sa National Shrine of Saint Joseph.
Si Roger Paller, public information officer sa kagamhanan sa dakbayan, niingon nga labi’ng daghang kalihukan karong tuiga isip katapusan ubos sa administrasyon ni Cortes.
Naglakip sa mga kalihukan mao ang job fair, livelihood training nga gidumala sa Cooperative Development Office ug uban pa.
Nagpasiugda usab og libre’ng medical-dental services, reflexology, pagpanupi, pedicure ug manicure ug uban pa. – /GMR) (BANAT NEWS)