CEBU, Philippines – Konsehal Mary Ann delos Santos sa dakbayan sa Sugbo midawat ug mirespeto sa desisyon ni Mayor Michael Rama pagtangtang kaniya sa mga posisyon ubos sa executive department.
Nagpasalamat usab siya sa dakong pagsalig kaniya ni Rama sa pagdumala sa maong mga opisina sama sa ad hoc committee sa hospital management ug pagka minority floor leader sa konseho.
Gilauman nang daan ni Delos Santos nga buhaton kini sa mayor ini og pormal na siyang motabok sa karibal nga partido sa Bando Osmeña Pundok Kauswagan (BOPK). Dugang pa ni Delos Santos nga magpadayon gihapon ang iyang pagpanerbisyo sa mga commission ug committee bisan gitangtang na siya sa pwesto isip konsehal sa dakbayan. Si Delos Santos mibutyag sa mga sakop sa media nga wala pa siya makadawat o makaestorya ni Rama kabahin sa desisyon niini. – /EIM) (BANAT NEWS)