CEBU, Philippines - Nakaangkon og samad sa bukobuko ang usa ka babaye nga gidunggab sa silingan sa Purok Ubo, Canjulao, dakbayan sa Lapu-Lapu alas 9 pasado sa niagi’ng gabii.
Si Police Officer 2 Marvin Saraum sa Lapu-Lapu City Police Office niila sa biktima nga si Maricel Omadlaw, 33, ug ang suspek mao si Adeline Irene Rasonable, 34-anyos.
Matud ni Saraum nga nakadawat og taho ang biktima labot sa gipalakaw nga estorya sa mga silingan nga nagdaut sa iya’ng pagkababaye. Gisukmatan sa biktima ang suspek kinsa nasuko hinungdan sa ila’ng panaglalis.
Taliwala sa mainitong panaglalis, nikuha og kutsilyo ang suspek dayung dunggab sa bukobuko sa biktima.
Nagdali sa pagsibat ang suspek sakay sa nagpaabot nga motorsiklo samtang ang biktima dali nga gihatud sa Lapu-Lapu City Hospital. (Romeo T. Limpangog/GMR)(BANAT NEWS)