CEBU, Philippines – Napulo ka mga disgrasya sa kadalanan ang nahitabo sa dakbayan sa Sugbo gikan sa alas-5 sa buntag ngadto sa alas-12 sa udto kagahapon apan sa gawas sa rota sa Ironman Triathlon.
Sagad sa mga nagkabangga mga motorsiklo batok sa mga sakyanan, dunay pasahero ug pribadong mga sakyanan, apan wala’y nagrabehan ug nakalas sa maong mga aksidente. Apan matud pa ni Atty. Rey Gealon, bag-ong pangulo sa Cebu City Transportation Office (CITOM) nga nahinabi sa Banat News, wala’y angay kabalak-an sa maong mga aksidente.
Matud niya wala kini kalambigitan sa pagsira sa mga dalan gumikan sa Ironman race. Usa sa iyang nakitang rason mao ang grabeng kompiyansa sa mga drayber kun adlaw nga Domingo kay nagsalig nga menus kaayo ang mga sakyanan nga magdagan sa kadalanan. – /EIM) (BANAT NEWS)