CEBU, Philippines – Makigtagbo si Cebu City Mayor Michael Rama sa mga opisyal ug mga residente sa barangay Apas bahin sa pagpatangtang sa mga cell sites sa sitio Calvary Hills.
Ang mga opisyal nga gipangulohan ni Kapitan Ramil Ayuman nihangyo kang Rama nga ipatangtang ang mga cell sites ug ipa-revoke ang special permit.
Buot ni Rama nga hatagan og laing option ang mga tag-iya sa cell sites kung asa ibalhin.
Ang Digitel Mobile Philippines, Inc. nga nagdumala sa Sun Cellular nihangyo sa konseho sa paghatag kanila og duha ka buwan sa pagtangtang sa tower.
Ang mga residente nipetisyon sa pagpabalhin o pagkuha sa tower human ila’ng gipasanginlan nga hinungdan sa pagkasakit og kanser sa 25 ka residente ug namatay sulod sa 15 ka tuig nga gibutang ang cell sites. – /GMR) (BANAT NEWS)