P6M alang sa kabarangayan sa segundo distrito

CEBU, Philippines - Sobra sa P6 milyones ang gihatag nga pinansiyal nga hinabang sa kagamhanan sa probinsiya sa Sugbo ngadto sa 23 ka barangay sa ikaduha’ng distrito sa nilabay’ng semana.

Mga barangay sa lungsod sa Samboan, Argao, Malabuyoc, Boljoon ug Badian ang nakadawat sa hinabang. Ang barangay Granada, Baclayan, Nangka, San Antonio, Upper Beceril sa Boljoon nakadawat og tag P100 mil.

Ang barangay Malones ug Lumbang sa Dalaguete nakadawat og P200 mil ug P500 mil.

Nikabat sa P800 mil ang nadawat nga hinabang sa lungsod sa Samboan alang sa proyekto sa kabarangayan diin duha sa barangay ang Suba ug Canorong.

Sa lungsod sa Argao nikabat sa P1.5 milyones ang nadawat nga hinabang alang sa barangay Linut-od, P100 mil; Calagasan, P500 mil; Canbanua, P500 mil; Langub, P200 mil ug Ubaub, P200 mil.

Ang barangay Basdiot sa Moalboal nakadawat og P200 mil samtang sa barangay Lambug sa Badian nahatag ang P150 mil. Ang lungsod sa Malabuyoc nikabat sa P2.5 milyones ang ilang nadawat nga hinabang diin P1 milyon alang sa barangay Poblacion Uno, P200 mil sa Salmeron, P200 mil sa Sorsogon, P1 milyon sa Santo Niño ug P100 mil sa Tolosa.

Ang pundo gamiton sa pagpaayo sa mga multi-purpose building, covered court, day care center, barangay hall samtang ang uban magtukod pa sa susamang mga proyekto.  (BANAT NEWS)