Mga piskal di na padawaton og cash allowance gikan sa LGUs
CEBU, Philippines – Ang kagamhanan sa probinsiya naghuwat sa official nga kamanduan gikan sa Department of Justice kabahin sa pagpahunong og hatag og allowances sa mga piskal.
Niining ulahi lang, si Justice Secretary Leila de Lima mimando nga pahunongon ang mga fiscal ug prosecution staff sa pagdawat og mga allowances gikan sa lokal nga kagamhanan.
Gipasabot ni de Lima kini aron masiguro nga magpabilin ang ilang pagka-independente ug dili madala sa pressure ilabi na sa mga kasong may gikalambigitan sa mga local officials.
Matud ni de Lima nga ang dili pagdawat og allowances gikan sa lokal nga kagamhanan usa usab kini ka paagi nga ang mga fiscal dili magawngan sa mga politiko.
Subay niini, si Gobernador Hilario Davide III nagkanayon nga maghuwat lang sila sa pormal nga kamanduan gikan sa DOJ. – /EIM) (BANAT NEWS)
- Latest
