CEBU, Philippines - Mabilanggo sa tibuok kinabuhi ang usa ka lalaki nga nilugos sa uyab sa iyang ig-agaw.
Gikombikto ni Judge Simeon Dumdum si Eugene Saguisabal nga taga dakbayan sa Lapu-Lapu human pasanginli sa kaso’ng pagpanglugos niadtong Nobiyembre 2, 2009 sa ala una sa kadlawon.
Matud sa biktima nga niadto’ng Nobiyembre 1 sa alas 5 sa hapon didto sila sa Uling Cemetery sa Naga City kauban sa iyang uyab atol sa kalag-kalag. Alas 11 sa gabii sila nanguli ug nihunong sa usa ka payag-payag diha’ng niabot ang akusado ug nitanyag nga mao na lang ang mohatud sa biktima sa ilang balay.
Apan gidala sa akusado ang biktima sa barangay Lanas ug didto nahitabo ang pagpanglugos. (Mylen P. Manto/GMR)(BANAT NEWS)