CEBU, Philippines - Nangayo og despensa ang polis sa dakbayan sa Carcar human sayop ang nahatag nga apelyedo sa namatay nga tanod nga napatiran sa usa ka babaye nga may kabugno nga laing babaye sa sitio Lagang.
Sumala pa ni PO2 Madison Singco, imbestigador sa Carcar City Police Station, nga nasipyat siya sa paghatag sa apelyedo sa biktima.
Sigun pa ni Singco nga buhi si Cesar Fantonial ug ang namatay mao si Cesar Aliser nga usa ka tanod nga niuwang sa bugno sa duha ka babaye.
Nidangop sa Banat News ang umagad ni Aliser nga si Socrates Lerigo ug nagpahibawo nga daku’ng buhi ang iya’ng ugangan.
Matud ni Lerigo nga mag-agaw ra sab si Aliser ug Fantonial ug pareho nga nagpuyo sa maong lugar. (Jojo C. Ugdol/GMR)(BANAT NEWS)